Kompjuter dhe çadër plazhi, oferta e Barbados: Ejani të punoni tek ne

Shpërndaje

Të gjithë ata që janë të detyruar të punojnë nga shtëpia si pasojë e pandemisë së koronavirusit, tashmë mund të zgjedhin në vend të banesës së tyre ishullin e Barbados. Është ky propozimi i kryeministres së vendit e cila fton të huajt që të punojnë nga ishulli dhe të shijojnë bukuritë e tij njëkohësisht, në përpjekje për të rimëkëmbur ekonominë

“Ejani të punoni tek ne” Është kjo oferta shumë joshëse që vjen nga Barbados. Turizmi që zakonisht përbën 40 për qind të të ardhurave të vendit, është ende në krizë si pasojë e pandemisë së koronavirusit.

Për këtë arsye Mottlei, kryeministrja e shtetit të vogël publikoi programin e mikpritjes së nëpunësve të rinj në Barbados. Program qe duhet ende të përfundohet nga qeveria e ishullit të famshëm por që pak a shumë nënkupton që të huajt mund të marrin shumë lehtë viza për të shkuar që të punojnë nga ishulli për kompanitë e vendeve të tyre të origjinës.

Kryeministrja më tej u shpreh se nuk do të jemi të detyruar të punojmë në Europë, Shtetet të Bashkuara të Amerikës apo Amerikën Latine. Ajo sqaron se të huajt mund të qëndrojnë në ishull dy muaj dhe më pas të rikthehen në atdhe, sipas dëshirës.

Sipas saj në këtë mënyrë të huajt mund të punojnë pa ndërprerë por njëkohësisht dhe të shijojnë bukuritë dhe peizazhin e vendit, i cili nuk vlerësohet si duhet pasi pushimet zgjasin shumë pak.

Për sa i përket pandemisë së koronavirusit, Barbados nuk është prekur ndjeshëm dhe masat për mbylljen e vendit u lehtësuan para dhjetë ditësh. Zyrtarisht janë regjistruar 98 raste dhe 7 viktima në një popullsi prej 287 mijë banorësh.

Ata që vijnë në ishull duhet të kenë një test negativ të Covid-19 të kryer në tre ditët e fundit. Në të kundërt do të kryejnë tamponin në aeroport, por një gjë e tillë nuk është e këshillueshme pasi numri i testeve në ishull është i kufizuar.