Reagim ASH – AA: Ramiz Merko thyen heshtjen zgjedhore, asfalton rrugë një ditë para zgjedhjeve

Shpërndaje

Koalicioni Aleanca për Shqiptarët dhe AlterNativa, dëshriojnë të dononcojnë sot shkeljen flagrante të Kodit Zgjedhor nga ana e Ramiz Merkos dhe Komunës së Strugës.

Sipas tyre, në ditën e heshtjes zgjedhore makineritë e kompanive dhe biznesve të afërta me Ramiz Merkon po asfaltojnë rrugica nëpër fshatra të ndryshme të Strugës. Të gjitha këto pa kurrfarë leje, pa procedurë tenderimi dhe jashtë çdo rregulle ligjore. Ekipi ynë i juristëve po bën parashtresat e duhura. Janë të njoftuara edhe Prokuroria dhe Policia, të cilat duhet të dalin në terren dhe të marrin masat e nevojshme.

Asfalti dhe punët ilegale nuk do ta shpëtojnë as Ramiz Merkon, po as edhe bashkëpunëtorët e tij, që kanë shkelur dhe po e shkelin ligjin vazhdimisht, thuhet në reagimin e ASH-AA.